「快餐店亞叔」的短片於2008年4月18日上載youtube，片中男女二人與「美心MX」的職員爭執，片中女客人向男廚師叫囂，叫男廚師打死她，聲稱要報警，並拍下爭執過程稱「今晚上Youtube睇番你哋美心」。
後來片段在2008年4月24日開始轉載至各大討論區，引起網民關注及討論。有不少網民認為男廚師雖然做錯，但女客人的態度囂張，小事化大。此外，片段曾被剪輯，片段中只見男廚師及職員，並沒有拍攝那女客人，似是有意隱瞞實情。她亦被指有濫用youtube作報復平台之嫌，因此遭受不少網民抨擊，更被大部分網民視為港女。有網友因恐怕男廚師被炒而發起「一人一電郵給美心MX」的行動。
有網民則不斷在youtube留言譴責該女子，而上載短片者就不斷刪除留言。截至短片刪除前，累積留言已有15,000多個，並以指責女子作出的挑釁行為居多。
另有人聲稱已將該女子及其協助拍攝的男友起底，並把名字及手機號碼等私隱資料張貼到多個論壇上，惟未經證實，被視作有借刀之嫌。據說女事主姓伍，其男友為Richard。
原上載者約於4月28日23:50刪除該短片，並約於4月29日凌晨1時在Youtube Profile中隱藏了33歲的年齡。但已有youtube用戶將之備份並重新上載，更有用戶發放中英文字幕版。
根據2008年4月29日《蘋果日報》網聞報導，美心表示在事後只是把該名廚師調往其他分店，並沒有把他解僱、減薪或降級。
一名高登網民銀笛殊二世聲稱目睹事件經過，雖未經證實，但不少網民已稱片中的女客人為「四寶飯港女」：
“ 其實果日我係後面睇戲
我係隔離等緊外賣
個女仔似係24,25歲既ol黎
同行有幾個朋友
原因係個女仔買四寶飯
但個師父就俾左個無乜肉既雞胸
咁個女仔就話要換
咁師父照換喇,之後又話叉燒太少
照住佢又嘈唔知邊樣野
後尾個師父好勞嘈咁話:不如你講你仲想要咩,等我一次過俾晒你
跟住個女仔就話:你當我貪你d野呀?係你俾d唔靚既野我先叫你換
其實成件事就係個女仔以為個師父當佢乞兒,而個師父唔想個女仔再煩先咁講„
更正:上環間美心ga燒味位係o係右手邊, 而影片中ga燒味位係o係左手邊, 所以, 個間美心唔係o係上環維德
(短片開端，一位快餐店阿叔和一位女客人發生口角，女客人向快餐店職員投訴……)
女客人：講啦！你頭先講乜嘢啊？
快餐店職員：唔好意思……對唔住……唔好意思……
女客人：你講乜嘢啊？
快餐店阿叔：關你撚事咩？叫咩名！你傻㗎你？
女客人：唔係我傻呀，係你失禮咋！你喺度(美心)做。
快餐店阿叔：走啦！
女客人：佢話打撚死我喎！你夠膽就出嚟打撚死我囉！
快餐店職員：小姐，唔好意思……對唔住……唔好意思……
女客人：出嚟吖？依家就出嚟……駛唔駛幫你報警啊？
快餐店職員：小姐，唔好意思……(遮掩鏡頭)
女客人：縮手呀！
快餐店職員：小姐，唔好意思……
男聲(插嘴)：你唔好係我面前講粗口呀！
女客人：今晚你上Youtube睇返你哋美心……
男聲(插嘴)：你講咩嘢？講多次吖？！
快餐店職員：唔好意思…… 女客人：唔緊要！唔緊要㗎！出嚟啦！我唔驚㗎！香港嚟㗎呢度！你估係邊呀？
男聲(插嘴)：你講粗口鬧人呀你，你有無禮貌㗎？
女客人：呢度邊度啊──你對唔住就真，不過唔緊要，我都會投訴你㗎，拍咗短片──同你公司投訴你㗎喇！經理喺邊度呀？經理喺邊？阿陳生……噢……clerk(文員)嚟㗎……個supervisor(主管)個經理喺邊呀？
快餐店職員：係，搵經理係咪呀？
女客人：係呀！
快餐店職員：我哋有個同事出咗去搵佢㗎喇，麻煩你等一陣吖。唔好意思，我哋會搵番個經理去解決番呢件事㗎喇。
女客人：好呀！
快餐店職員：唔好意思呀，你係唔係叉墨魚飯？駛唔駛等埋個飯比你呀，小姐？
(之後有廣播叫號，而那小姐也再沒有回應，短片結束。)
及後傳出另一版本：
“ 因為見到個多轉post話見過程的人,的失實報導,所以帮手講清楚整件事既過程.人地美心只有六寶無四寶的,六寶係有雞不過只係雪藏脾
4月18日星期五,當晚港女同佢男友二人一齊同上環美心買飯食,港女只定要買叉燒墨魚飯,但人地美心d墨魚只跟六寶飯條港女發哂爛渣話一定要,仲要叉燒分開上,咁人地經理剛剛見到,咁就同收銀講比個客,咁個收銀收左錢後再問多句請問墨魚需要一齊分開上嗎? 條港女就發皮四話要投訢收銀同經理,之後經理安撫左佢後,通知水吧小心個臭四,點知阿師傅唔記分開上,咁個臭四罵師傅,師傅嬲嬲地講左句粗口,之後就係網上果段啦,後面其實仲有係個臭四cut左,條賤人後玩到報哂警,果晚個師傅就比人炒左啦!
成件事都係店內既人講的.事實既真相,請轉post出去,帮手澄清
師父己被美心炒左,要求美心請返呢個燒味阿叔!
No comments:
Post a Comment